‘मध्य तथा सुदुरपश्चिम स्वर्गको टुक्रा हो, जहाँको कला, संस्कृतिले सबैलाई मोहित पार्छ’(भिडियोसहित)

‘संस्कृतिका माध्यमबाट पर्यटन विकासमा मद्दत पुग्छ’

(सुदुरपश्चिम क्षेत्रको सुन्दर क्षेत्र अछाममा जन्मेका युवा गायक रुपक परियारले विस २०७१ सालमा स्थानीय कला, संस्कृति समेटिएको गीती एल्बम ‘रामारोशन’ निकाले । उनलाई पहिलो एल्बमले नै लाखौं श्रोताहरुमाझ लोकप्रिय बनायो । उनले केही बर्षपछि पुन नयाँ गीतहरु ल्याउन लागेको बताएका छन । त्यसो त उनको परिचयसँग धेरै कुराहरु जोडिएका छन । उनी २०६५ सालमा रेडियो नेपालले सञ्चालन गरेको भला सुकाली कार्यक्रमको मध्य तथा सुदुरपश्चिम क्षेत्रका सयौं प्रतियोगीता समावेश भएको प्रतिस्प्रधामा पहिलो स्थान जित्न सफल बनेका थिुए । हाल उनी रामारोशन कला संस्कृति संरक्षण प्रतिष्ठानको सचिवको रुपमा समेत कार्यरत छन । उनी स्थानीय कला, संस्कृतिको विकास, संरक्षण र प्रचारबाट विकासमा टेवा पुर्याउन सकिने विश्वास राख्छन । कला, संस्कृति र उनको नयाँ गीतको विषयमा उनीसँगको हरपल संवाद उनले गायन क्षेत्रलााााई निरन्तरता दिने बताएका छन । प्रस्तुत छ उनीसँगको संवादको संवादीत अंश…..)

१) साँगीत प्रेमि दर्शक, श्रोताहरुलाई आफ्नो परिचय कसरी दिनुहुन्छ ?

-मेरो घर अछामको रामारोशन नगरपालिका २, चाफामाण्डौं हो । सानैदेखि मलाई स्थानीय कला, संस्कृतिको गहिरो प्रभाव परेको थियो र सायद त्यसैले होला मलाई साँगीतीक क्षेत्रतिर डोर्यायो । मैले २०७१ सालमा अछामी भाषाको पहिलो पहिलो एल्बम ‘रामारोशन’ निकालेको थिए । तयसमा समावेश भएका चार वटा गीतहरु, जो मध्य तथा सुदुरपश्चिम क्षेत्रको कला, संस्कृतिसँग जोडिएका थिए । त्यसलाई असाध्यै मन पराइदिनु भयो । त्यो श्रोताहरुको मायाले मलाई पुनः नयाँ गीत ल्याउन घच्घच्यायो र फेरी दुईवटा गीतहरु ल्याउने तयारीमा अहिले लागेको छु । अब आउने गीतहरु पनि अछामी संस्कृतिमा रहेका छन ।

२) तपाई रामारोशन संस्कृति संरक्षण केन्द्रको सचिवको रुपमा समेत हुनुहुन्छ, यसले स्थानीय कला संस्कृतिको संरक्षण र विकासको पक्षमा के के गरिरहेको छ?

-हामीले रामारोशन क्षेत्रका साथै मध्यसुदुर क्षेत्रको स्थानीय कला, संस्कृतिको संरक्षणमा विशेष ध्यान दिएका छौ । हामीले कला, संस्कृतको विकास गर्ने सोचले नै त्यो सस्थाको स्थापना गरेका हौं । हामीले स्थानीय क्षेत्रमा चलिआएका देउडा, हुड्के, होरी, पुतला, मारुनी, पञ्चेबाजा जस्ता विभिन्न शैली र परम्पराजन्य कला, संस्कृतिको संरक्षणका लागि विविध कार्यक्रमहरु गरिरहेका छौं । त्यसैको निरन्तरतामा स्थानीय कला झल्कने गीत, संगीत र कलाकारहरुलाई हामीले सहयोग गरिरहेका छौं ।

३) तपाईको पहिलो एल्बम्को नाम नै रामारोशन राख्नु भएको छ, यसको सन्दर्भ बताइदिनुस् न ।

-वास्तवमा हाम्रो रामारोशन स्वर्गको एउटा टुक्रा हो । यहाँको प्राकृतिक, साँस्कृतिक र भौगोलिक सुन्दरताले सबैलाई मोहित गर्छ तर यसको प्रचारमा कमि देखिन्छ, सम्भावना धेरै छन । यस क्षेत्रको बाह्र ताल र अठार खण्डको यो भूमि साँच्चै रमणीय छ । यहाँका किनमुनि ताल, किनमुनि मैदान, रानी मैदान, चाखा डााडा लगायतका धेरै क्षेत्रहरुको प्रचार गर्न सकेमा यसलाई पर्यटकीय गन्तब्यको रुपमा विकास गर्न सकिने देखिन्छ । तसर्थ यहाँको सम्भावनालाई संगीतका माध्यमबाट चिनाउने उद्देश्यले मैले यो नाम दिएको हुँ ।

४) अछामी कला, संस्कृतिको विकासमा धेरै कलाकारहरुले भूमिका खेलेका छन । तपाईलाई मनपर्ने कलाकारको को हुनुहुन्छ ? उहाँको एउटा गीत सुनाइदिनुस।

-हाम्रो कला संस्कृतिको संरक्षण र विकासमा धेरै कलाकारहले भूमिका खेल्नुभएको छ । त्यसमध्ये मलाई आदर्णीय राजामारा भाटको गीत संगीतले प्रभाव पारेको छ । उहाँका सबै गीतहरु मलाई मन पर्छन । वजासतवमा उहाँकै प्रभावबाट म यस क्षेत्रमा उत्प्रेरित भएको हुँ । उहाँ ‘चुरा पोत्या लाउन्या के राम्रो अछामी चलन’ बोलको गीत म यहाँ सुनाउँन चाहन्छु ।

५) तपाई २०७१ पछि साँगीतिक क्षेत्रमा देखिनु भएन । अहिले के गर्दै हुनुहुन्छ ?

-हजुर, पहिलो एल्बम निकालेपछि म केही व्यवहारीक कामले यतातिर गीत निकाल्न सकिन तर दर्शक, श्रोताको मायाले पुन नयाँ गीतहरु निकाल्ने तयारीमा छु । यतिबेला दुईवटा गीतको रेकर्डिङको काम सकिएको छ, त्यो गतिहरु सायद महिनादिनमै बजारमा आउँछ । मैले यतिबेला ‘घुम्न आईजा रामारोशन’ र ‘हाम्रो संस्कृति’ बोलका दुई वटा गीतहरु ल्याउँन लागेका छु, त्यसको भिडियो समेत निकाल्ने तयारीमा छु तर भिडियो अलिक पछि मात्र हुन्छ ।

६) अमूल्य समय दिनुभयो, तपाईको नयाँ गीतहरुको सफलताको शुभकामना दिन चाहन्छौ, अन्त्यमा केही भन्न चाहनुहुन्छ ?

-मलाई पनि केही कुराहरु राख्ने मौका दिनुभएकोमा यहाँहरुलाई धेरै धन्यवाद । सथानीय कला, संस्कृतिको संरक्षण र विकासको हाम्रो अभियान निरन्तर जारी रहने छ । मैले ल्याउन लागेका गीतहरु सुनेर साथ, सहयोग, प्रतिकृया दिनुहोला भन्न चाहन्छु ।