डा. बाबुराम भट्टराई पाँचौ पटक गिरफ्तार परेपछि…….
प्रहरी हिरासतबाट बाबुरामको यस्तो प्रतिकृया
प्रकासित मिति : २०७३ चैत्र २०, आईतवार प्रकासित समय : १२:००
निर्वाचन कार्यालय घेराउको क्रममा आज प्रहरीले पक्राउ गरेपछि नयाँ शक्ति पार्टीका संयोजक समेत रहेका पूर्व प्रधानमन्त्री डा. बाबुराम भट्टराईले प्रहरी हिरासतबाटै आफ्नो जेल जीवनको बारेमा प्रतिकृया दिएका छन ।
उनले आफ्नो फेसबुकमा लेख्दै भनेका छन–‘अहिले पाँचौ पटक प्रचण्ड नेतृत्वको गणतान्त्रीक सरकारको पालामा जेल पुगियो ।’
उनले फेसबुकमा यस्तो भनेका छन–‘जीवनको पाँचौं राजनीतिक गिरफ्तारी पछि नेपाल प्रहरी २ नं गण महाराजगंजमा पहिलो २०३६ सालमा भारत सरकारद्वारा दिल्लीमा, दोश्रो र तेश्रो राजा वीरेन्द्रको पंचायती सरकारद्वारा २०४२ र २०४३ सालमा, चौथो बहुदलीय व्यवस्थामा गिरीजा सरकारद्वारा २०५० सालमा र पाँचौं गणतान्त्रिक प्रचण्ड सरकारद्वारा अहिले ।’
डा. भट्टराईको साथै क्रान्तिकारी माओवादीका उपाध्यक्ष सीपी गजुरेल लगाएत विभिन्न पार्टीका ५० बढि नेता कार्यकर्ताहरु पक्राउ परेका छन ।