विछोडको पीडाले संञ्चारकर्मी संझनालाई एकान्तमा रुने गराएपछि…………….
भन्छिन–‘गीत, संगीत अनि पत्रकारिता जीवनको प्यास हो’
प्रकासित मिति : २०७४ बैशाख १२, मंगलवार प्रकासित समय : १०:२७
काठमाडौं । विगत लामो समयदेखि पत्रकारिता गर्दै आएकी संञ्चारकर्मी संझना पौडेलले ‘एकान्तमा रुने गरायौ’ बोलको गीतमा स्वर दिएसँगै गायन क्षेत्रमा समेत चर्चामा रहेकी छिन ।
उनले वैदेशिक रोजगारीका कारण लामो समयसम्म आफन्तलाई भेट्न,देख्न नपाउँदा र असफल भएका प्रेम जोडीको मर्मलाई समेटेर तयार गरिएको यस गीतमा गहिरो भावमा डुबेर आफ्नो स्वर दिएकी छन ।
पौडेलले हरपल नेपालसँग कुरा गर्दै भनिन्–‘संगीत विनाको जीवन निरस हुन्छ, मेरा लागि गीत, संगीत अनि पत्रकारिताजीवनको प्यास हो । यसमै रमाउँदै अघि बढ्ने सोचेकी छु ।’
उनले आफ्नो गीत मार्फत समाजिक जीवनको यथार्थलाई समेट्दै सकारात्मक संन्देश दिन खोजीएको दावी गरेकी छन । नयाँ बर्षसँगै बजारमा आएको उनको गीत यतिवेला निकै चर्चामा रहेको छ ।
माया र प्रेम अनि प्रदेशिको पिडालाई समेटेर निर्माण गरिएको ‘एकान्तमा रुने गरायौं’ बोलको यस गीतमा गायक खेमराज फुयाँलको आवाज, चर्चित गायक तथा सर्जक रमेश श्रेष्ठको लय, पत्रकार महेश नेपालको शब्द र गौरव गिरीको एरेन्ज रहेको छ ।
गीतले बैदेशिक रोजगारीका कारण विदेशिएका नेपालीहरुले घरमा रहेका आफन्तजनको सम्झनामा दिन बिताउनु पर्दाको पीडालाई समेटेको छ । विछोडको पीडाले सताउदा र प्रियजनलाई भेटन नपाउँदाको पिडालाई गीतको मुख्य विषय वस्तु बनाइएको छ ।