भारतका क्यान्सरपीडितलाई पाँच लाख ८५ हजार सहयोग

सहयोग संकलन कार्य जारी

पोखरा । भारतको राजीव गान्धी क्यान्सर अस्पतालमा उपचाररत क्यान्सरपीडित प्रिया गुरुङलाई रु पाँच लाख ८५ हजार नगद सहयोग गरिएको छ ।

आरुघाट–२ मान्बु गोरखाकी बबिता गुरुङको पहलमा संकलन गरिएको रकम क्यान्सरपीडित प्रियाकी आमा कन्यामाया गुरुङलाई आइतबार पोखरामा एक कार्यक्रमकाबीच हस्तान्तरण गरिएको हो ।

पोखराको जनप्रिय बहुमुखी क्याम्पसमा स्नातक प्रथम वर्षमा अध्ययनरत १९ वर्षीया प्रियालाई छ महिनाअघि अचानक खुट्टा दुखेपछि पहिलो पटक पोखराको फेवासिटी अस्पतालमा उपचारका लागि लगेको आमा कन्यामाया गुरुङले बताए ।

उनका अनुसार सो अस्पतालमा उपचार हुन नसकेपछि गण्डकी मेडिकल कलेजमा पठाइएपछि छोरीलाई नसासम्बन्धी क्यान्सर भएको पत्ता लागेपछि भारतको राजीव गान्धी क्यान्सर अस्पतालमा उपचारका लागि लगिएकोे छ ।

अस्पतालका अनुसार उपचारमा लगभग २० लाख भारतीय रुपैयाँ ९३२ लाख नेपाली० खर्च लाग्ने बताउँदै उनले भने–‘ धेरैको आर्थिक सहयोगले छोरी प्रियाको उपचार भइरहेको छ ।’

पारिवारिक अवस्था कमजोर भएका कारण युवा अवस्थामा नै उपचारको अभावमा ज्यान जान नदिन सामाजिक सञ्जालबाट शुरु गरेको आर्थिक संकलन अभियानमा स्वदेश तथा विदेशमा रहेका नेपालीको सक्रिय सहयोग रहेको आर्थिक संकलन अभियन्ता बबिता गुरुङले बताएकी छन । रासस